Ftuħ tal-Club-House ta’ Kalkara F.C.

Nhar il-Ġimgħa 4 ta’ Mejju l-Assoċjazzjoni Wirt il-Kalkara kienet mistiedna għas-serata tal-ftuħ uffiċjali tal-Clubhouse tal-Kalkara Football Club fi Triq il-Missjoni Taljana. Matul din l-okkażjoni saru diskorsi mill-President tal-Kalkara Football Club is-Sur Rodney Degiorgio, mill-President tal-Malta Football Association is-Sur Norman Darmanin Demajo, mill-Ministru għall-Enerġija u l-Immaniġjar tal-Ilma l-Onor. Joe Mizzi u mill-Ministru għat-Trasport, l-Infrastruttura u l-Proġetti Kapitali l-Onor. Dr. Ian Borg.

Il-President tal-Assoċjazzjoni Wirt il-Kalkara s-Sur Ivan Cauchi ppreżenta tifkira tal-okkażjoni filwaqt li awgura lill-klabb tal-football Kalkariż għal iktar suċċessi fil-futur qarib. Nieħdu din l-okkażjoni biex nifirħu lill-Kalkara Football Club għal din l-okkażjoni memorabbli.