Matul ir-riċeviment annwali tal-festa li ċ-Circolo San Giuseppe Filarmonika Sagra Familja tella’ nhar it-Tlieta 16 ta’ Lulju, l-Assoċjazzjoni Wirt il–Kalkara ġiet preżentata b’tifkira “b’rikonoxximent għall-ħidma sfieqa b’risq ir-raħal tal-Kalkara, kif ukoll b’apprezzament tad-disponibilità lejn is-Soċjetà”.
Is-Segretarju tal-Banda Sagra Familja Joseph Mintoff kellu kliem ta’ tifħir għall-ħidma li qed twettaq l-Assoċjazzjoni, filwaqt li l-President tal-Assoċjazzjoni Ivan Cauchi radd ħajr lis-Soċjetà għal dan il-ġest u wiegħed impenn akbar b’risq il-Kalkara kollha. Minn din il-paġna nirringrazzjaw lill-Kumitat taċ-Circolo San Giuseppe Filarmonika Sagra Familja għal dan il-ġest ferm apprezzat.
