Il-Villa Bighi

ethelyne.italic-visit-kalkara

back-icon home-icon

maltese english

go-to-locationVilla Bichi bdiet tinbena fl-1675 minn Fra Giovanni Bichi, in-neputi ta’ Papa Alessandru VII, fuq disinn ta’ Lorenzo Gafà. Sena wara dan il-palazz mhux mitmum għadda f’idejn neputih Fra Mario Bichi minħabba l-mewt għall-għarrieda ta’ zijuh. Fl-1712 il-palazz inxtara mill-Balliju Fra Giovanni Sigismondo, filwaqt li fl-1718 reġa’ għadda għand il-familja Bichi. Il-villa ġiet abbandunata fl-imblokk tal-Franċiżi, filwaqt li fl-1827 ir-Re Ġorġ IV tal-Imperu Ingliż ta permess lill-Ammiraljat biex juża din il-binja bħala sptar navali.

Fl-1829 waqt it-tħaffir tal-pedamenti nstabu erba’ stelae Eġizzjani. Fit-23 ta’ Marzu 1830 tqegħdet l-ewwel ġebla mill-Viċi Ammirall Sir Pulteney Malcolm. L-isptar Bighi sofra ħsarat kbar matul it-Tieni Gwerra Dinjija fosthom fil-Cot Lift, u għalaq f’Settembru 1970. Illum il-binja tospita ċ-ċentru ESPLORA u l-Kunsill Malti għax-Xjenza u t-Teknoloġija.


Infromazzjoni oħra interessanti

Villa Bighi website | Villa Bighi Facebook | Mawra virtwali ma’ Villa Bighi
Visit Esplora – Malta’s Interactive Sience Centre